ব্রেকিং নিউজ

স্টাফ ৰিপোৰ্টাৰ এ এন এম নিউজ :
বানৰ তাণ্ডবত বৰপেটা জিলাৰ বহু গাঁৱৰ লোকে দিশহাৰা হৈ পৰাৰ পিচত এতিয়া শিবিৰে শিবিৰে উত্থাপিত হৈছে কোনোধৰণৰ চৰকাৰী সাহায্য লাভ নকৰাৰ অভিযোগ ৷ সমান্তৰাল ভাৱে একাংশ গাঁৱত বানাক্ৰান্ত লোকে শিবিৰ পাতি আশ্ৰয় গ্ৰহণ কৰাৰ পিচতো তেনে শিবিৰ সমূহৰ কথা চৰকাৰী তথ্যৰ আওতাত পৰা নাই ৷ জিলাখনৰ অন্যান্য অঞ্চলৰ লগতে বৰপেটা চহৰৰ সমীপৱৰ্ত্তী কেওঁটকুছি , পাটবাউসী আদি গাঁও সমুহকো বানে কোবাই যায় ৷

এই গাঁও সমূহৰ বহু বানাক্ৰান্তই স্কুলঘৰ আদিত আশ্ৰয় গ্ৰহণ কৰাৰ উপৰিও একাংশ বানাক্ৰান্তই গৰু ছাগলীৰ সৈতে দলঙৰ ওপৰতে আশ্ৰয় গ্ৰহণ কৰি আছে ৷ কেওঁটকুছি গাঁৱৰ বৰপেটা হাজো পথৰ ওপৰত থকা তিনিখনকৈ দলঙৰ ওপৰত এনেদৰে বানাক্ৰান্তই আশ্ৰয় গ্ৰহণ কৰি থকা দৃশ্য এতিয়া সূলভ ৷

একেদৰে কেওঁটকুছি পাটবাউসী পথত থকা দলঙৰ ওপৰতো বানাক্ৰান্তই আশ্ৰয় গ্ৰহণ কৰি আছে ৷ কিন্তু কেওঁটকুছি, পাটবাউসীত থকা বানাক্ৰান্তৰ কোনো এটা শিবিৰৰ কথা চৰকাৰীভাবে প্ৰকাশ কৰা তথ্যত উল্লেখ নাই ৷ উল্লেখ্য যে , বৰপেটা জিলা দুৰ্যোগ প্ৰশমন বিভাগৰ জৰিয়তে প্ৰশাসনে আজি প্ৰকাশ কৰা বৰপেটা জিলাৰ বান পৰিস্থিতিৰ প্ৰতিবেদন অনুসৰি , বৰপেটা ৰাজহ চক্ৰ এলেকাত ৭৬ টা বানাক্ৰান্ত শিবিৰৰ কথা উল্লেখ কৰিছে ৷ কিন্তু ৰাজহ চক্ৰ এলেকাটোৰ কেওঁটকুছি , পাটবাউসীৰ কোনো এটা শিবিৰৰ কথা উক্ত প্ৰতিবেদনত প্ৰকাশ পোৱা নাই ৷

স্টাফ ৰিপোৰ্টাৰ এ এন এম নিউজ :
যি সময়ত ৰাজ্যৰ বিভিন্ন পলিটেকনিক (কাৰিকৰী শিক্ষানুষ্ঠান) সমূহত অংশ কালীন প্ৰৱক্তা সকলে মেধাৰ ভিত্তিত নিয়োগ লাভ কৰি পলিটেকনিকত শক্তিশালী ভূমিকা পালন কৰি আহিছে । ঠিক তেনে সময়তে পলিটেকনিকৰ অংশ কালীন প্ৰৱক্তা সকলক চৰকাৰে পৰ্যাপ্ত পৰিমাণৰ সুবিধাৰ পৰা বঞ্চিত কৰি নতুনকৈ নিযুক্তি প্ৰক্ৰিয়া আৰম্ভ কৰাৰ যো-জা চলাই আছে। সেয়ে ৰাজ্যৰ বিভিন্ন প্ৰান্তৰ ১১খন পলিটেকনিক ক্ৰমে ধেমাজি, লখিমপুৰ, শিৱসাগৰ, গোলাঘাট, শোণিতপুৰ, কামৰূপ, নলবাৰী, বাক্সা, গোৱালপাৰা , কৰিমগঞ্জ ৰ লগতে বৰপেটা পলিটেকনিকতো অংশ কালীন প্ৰৱক্তাসকলৰ চাকৰি নিয়মীয়া কৰণৰ দাবীত আজিৰে পৰা নেপফাৰ উদ্যোগত তিনিদিনীয়া কাৰ্যসূচীৰে কৰ্মবিৰতি আৰম্ভ হৈছে ।

ইয়াৰ প্ৰৱক্তা সকলে জানিবলৈ দিয়া মতে চাকৰি নিয়মীয়াকৰণ তথা সংস্থাপন নিদিয়ালৈকে নিযুক্তি প্ৰক্ৰিয়া বন্ধ ৰখা, তেওঁলোকৰ চিকিৎসা তথা প্ৰসৱকালীন ছূটিৰ ব্যৱস্থা কৰা লগতে গৰ্ভকালীন অৱস্থাত ছুটি ললে দৰমহা কৰ্তন নকৰা আদি কৰি কেইবাটাও দাবীৰ সমৰ্থনত হাতে হাতে প্লে’কাৰ্ড,বেনাৰ লৈ তিনিদিনীয়া কাৰ্যসূচীৰে আজিৰ পৰা কৰ্মবিৰতি ৰূপায়ণ কৰা বুলি অংশ কালীন প্ৰৱক্তা সকলে জানিবলৈ দিয়ে ।

স্টাফ ৰিপোৰ্টাৰ এ এন এম নিউজ :
গ্ৰেপ্তাৰৰ পিছত এছ আই জোনমণি ৰাভাক নিলম্বিত কৰা হৈছে ৷ নগাঁও আৰক্ষী অধীক্ষকে এক নিৰ্দেশ যোগে জোনমণি ৰাভাক চাকৰিৰ পৰা নিলম্বিত কৰিছে ৷ ইতিমধ্যে জোনমণি ৰাভাক প্ৰবঞ্চনাৰ গোচৰত মাজুলী আৰক্ষীয়ে গ্ৰেপ্তাৰ কৰিছে ৷

আৰক্ষীৰ তদন্তত জোনমণিৰ দুটা একাউন্টত প্ৰায় ২০ লাখ টকা লেনদেন হোৱাৰ তথ্য উদঘাটন হৈছিল ৷ প্ৰবঞ্চনাৰ গোচৰত গ্ৰেপ্তাৰ হোৱা ৰাণা পগাগৰে মিলি জোনমণিয়ে প্ৰবঞ্চনা কৰিছিল বিভিন্ন ঠিকাদাৰক ৷ জোনমণিৰ এজাহাৰৰ ভিত্তিতে হব লগা স্বামীক নগাঁও আৰক্ষীয়ে গ্ৰেপ্তাৰ কৰিছিল ৷

বিধায়কৰ ফোন টেপিঙৰে সংবাদ শিৰোনামা দখল কৰা এছ আই জোনমণি ৰাভা প্ৰেমিক ৰাণা পগাগক গ্ৰেপ্তাৰ কৰোৱাই বাতৰি শিৰোনামা দখল কৰিছিল যদিও জোনমণিৰ সেই জনপ্ৰিয়তা মাজুলী গড়চূক আৰক্ষী থানাত ৰুজু হোৱা একাধিক গোচৰে ম্লান পেলালে ৷ সেই গোচৰৰ ভিত্তিত তিনিদিন মাজুলী আৰক্ষীয়ে জেৰা কৰাৰ অন্তত শণিবাৰে গ্ৰেপ্তাৰ হব লগা হ’ল নগাঁৱৰ কলিয়াবৰ আৰক্ষী থানাৰ এছ আই জোনমণি ৰাভা ৷

স্টাফ ৰিপোৰ্টাৰ এ এন এম নিউজ :
শনিবাৰে চিৰাঙৰ ভাৰত-ভূটান সীমান্তৰ ৰুণীখাতাত ভাৰতীয় ষ্টেট বেংকৰ এটা নতুন শাখা উদ্ধোধন কৰা হয় । আজি বিয়লি চাৰি বজাত ৰাজ্যসভাৰ সাংসদ ৰৌণগৌৰা নাৰ্জাৰীৰ উপস্থিতিত ৰুণীখাতাৰ এই নতুন শাখাৰ উদ্ধোধন শুভ উদ্ধোধন কৰে ভাৰতীয় ষ্টেট বেংকৰ উত্তৰ পূৰ্বাঞ্চলৰ মুখ্য মহাপ্ৰৱন্ধক আৰ,এছ, ৰমেশ ।

আজি ভাৰতীয় ষ্টেট বেংকৰ ৰুণীখাতা শাখাৰ শুভ উদ্ধোধন কাৰ্য্যসূচীৰ কেন্দ্ৰ কৰি ৰুণীখাতা এলেকাৰ ৰাইজৰ মাজত এক উৎসৱমুখৰ পৰিৱেশ বিৰাজ কৰা পৰিলক্ষিত হয় । তাৰ কাৰণ সুদীৰ্ঘ ৩২ বছৰৰ মুৰত ৰুণীখাতাত ৰাষ্ট্ৰীয়কৃত বেংক ভাৰতীয় ষ্টেট বেংক পুণৰ ঘুৰি আহিছে ।

উল্লেখ্য যে ১৯৮৯ চনত বড়ো জাতীয় আন্দোলনৰ সময়ছোৱাত তদানীন্তন ভাৰতীয় ষ্টেট বেংকৰ ৰুণীখাতা শাখাত দুবাৰকৈ ডকাইতি কাণ্ড সংঘটিত হৈছিল । পিছত নিৰাপত্তা আৰু সুৰক্ষাজনিত কাৰণত ৰুণীখাতাত থকা বেংকৰ শাখা কাৰ্য্যালয়খন কোকৰাঝাৰ চহৰত স্থানান্তৰ কৰে ।

স্টাফ ৰিপোৰ্টাৰ এ এন এম নিউজ :
CRPFৰ নিযুক্তি পৰীক্ষাত ভুৱা পৰীক্ষাৰ্থী।
আৰক্ষীৰ জালত ৫জন যুৱক।
আনৰ হৈ পৰীক্ষা দিবলৈ গৈছিল যুৱক কেইজনে।
পূৰ্বেও আৰক্ষীৰ হাতত আটক হৈছিল আন ৪ জন ভুৱা পৰীক্ষাৰ্থী।
আটাইকেইজনকে বশিষ্ঠ থানাত জেৰা অব্যাহত।

জেনারেল