ব্রেকিং নিউজ

স্টাফ রিপোর্টাৰ এ.এন.এম নিউজঃ
চৰকাৰী চাকৰি মানেই যেন দায়িত্বহীনতা! যাৰ বাবে সাধাৰণ ৰাইজৰ চৰকাৰী কাৰ্যালয়লৈ যোৱাৰ প্ৰয়োজনীয়তা আহি পৰিলেই হুমুনিয়াহ কাঢ়িবলগীয়া হয়। এই অভিযোগ দীৰ্ঘদিনীয়া।

আনহাতে একাংশ চৰকাৰী চাকৰিয়ালে চৰকাৰী সময়সূচীৰ বিপৰীতে নিজৰ ইচ্ছানুসৰি কাৰ্যালয়লৈ অহা, অকৰ্তৃত্বশীল ভাৱে কাৰ্যালয়ত উপস্থিত নথকা আদি অতি চিনাকী দৃশ্য। কিন্তু এনে সুবিধাবাদী, পালমৰা চৰকাৰী চাকৰিয়ালৰ সুখৰ দিন অন্ত পৰাৰ দিশে।

কিয়নো চৰকাৰী চাকৰিয়ালে পালন কৰিব লাগিব কঠোৰ নিয়মাৱলী। ৰাজ্য চৰকাৰৰ চাকৰিয়াল বা কেন্দ্ৰীয় চৰকাৰৰ চাকৰিয়াল বুলি কোনো কথা নাই, সকলোৱে পালন কৰিব লাগিব এই কঠোৰ নিয়ম।

কেন্দ্ৰীয় চৰকাৰে প্ৰস্তুত কৰিছে নতুন শ্ৰম নীতি। এই নতুন নিয়ম অনুসৰিয়েই এতিয়াৰে পৰা চৰকাৰী চাকৰি আৰু ব্যক্তিগতখণ্ডৰ চাকৰিৰ মাজত নাথাকিব বিশেষ প্ৰাৰ্থক্য।

স্টাফ রিপোর্টাৰ এ.এন.এম নিউজঃ
প্ৰতিশ্ৰুতিৰ জোৱাৰ ! গুজৰাট নিৰ্বাচন (Gujrat Election) ৰ পূৰ্বে প্ৰচাৰ অভিযান তীব্ৰ হৈ পৰাৰ মাজতে বিজেপিৰ ৰাষ্ট্ৰীয় সভাপতি জে পি নড্ডাই উন্মোচন কৰিলে বিজেপিৰ নিৰ্বাচনী ইস্তাহাৰ।

শনিবাৰে জে পি নড্ডাই মুখ্যমন্ত্ৰী ভূপেন্দ্ৰ পেটেল, ৰাজ্যিক সভাপতি চি আৰ পাটিলৰ উপস্থিতিত এই ইস্তাহাৰ মুকলি কৰিছে। এই ইস্তাহাৰখনত উল্লেখ থকা প্ৰতিশ্ৰুতি অনুসৰি বিজেপিয়ে মূলতঃ যুৱ প্ৰজন্মৰ ভোটাৰ আৰু মহিলা ভোটাৰক আকৰ্ষণৰ চেষ্টা কৰা পৰিলক্ষিত হৈছে।

ইস্তাহাৰত বিজেপিয়ে ৫ বছৰত গুজৰাটৰ ২০ লাখ নিবনুৱাক নিযুক্তি প্ৰদানৰ প্ৰতিশ্ৰুতি প্ৰদান কৰিছে। এই সময়ছোৱাত ১ লাখ মহিলাকো নিযুক্তিৰ কথা কৈছে। ছাত্ৰীক বৈদ্যুতিক স্কুটি প্ৰদানৰ প্ৰতিশ্ৰুতি দিছে। ইয়াৰোপৰি দুটা সাগৰীয় খাদ্য উদ্যান, জলসিঞ্চন নেটৱৰ্ক স্থাপনৰো প্ৰতিশ্ৰুতি প্ৰদান কৰিছে।

স্টাফ রিপোর্টাৰ এ.এন.এম নিউজঃ
সদৌ অসম নতুনকৈ প্ৰাদেশিকৃত মধ্য ইংৰাজী বিদ্যালয়ৰ চতুৰ্থ বৰ্গৰ কৰ্মচাৰী সন্থাৰ এটা সজাতী দলে গুৱাহাটীৰ দিছপুৰ বিধায়ক আৱাস ভৱনলৈ গৈ জনীয়া সমষ্টিৰ বিধায়ক হাফিজ ৰফিকুল ইছলামক সাক্ষাৎ কৰে। অহা ২০ ডিচেম্বৰত অনুষ্ঠিত হ'বলগীয়া অসম বিধান সভাৰ বাজেট অধিবেশনত নতুনকৈ প্ৰাদেশিকৃত মধ্য ইংৰাজী বিদ্যালয়ৰ চতুৰ্থ বৰ্গৰ কৰ্মচাৰী সকলৰ ন্যায়ৰ বাবে প্ৰশ্ন উত্থাপন কৰিবলৈ হাফিজ ৰফিকুল ইছলামক আহ্বান জনাই।

উল্লেখ্য যে, নতুনকৈ প্ৰাদেশিকৃত মধ্য ইংৰাজী বিদ্যালয়ৰ চতুৰ্থ বৰ্গৰ কৰ্মচাৰীসকল আৰু টিউটৰসকল একে আইনৰ আওতাত থকাৰ পাছতো, চতুৰ্থ বৰ্গৰ কৰ্মচাৰী আৰু টিউটৰসকলক সমহাৰত দৰমহা দিয়া নাই। আনহাতে চলিত বৰ্ষৰ ১৪ ছেপ্টেম্বৰ পৰাহে দৰমহাৰ পাব বুলি চৰকাৰে ঘোষণা কৰা পাছত জাঙুৰ খাই উঠিছে সদৌ অসমৰ নতুনকৈ প্ৰাদেশিকৃত মধ্য ইংৰাজী বিদ্যালয়ৰ চতুৰ্থ বৰ্গৰ কৰ্মচাৰী সন্থা।

স্টাফ রিপোর্টাৰ এ.এন.এম নিউজঃ
মঙলবাৰে হাৰিয়ানাৰ আম্বালাৰ খাৰ্গা ক্ৰীড়া ষ্টেডিয়ামত অগ্নিবীৰ মহিলা নিযুক্তি ৰেলী ২০২২ আয়োজন কৰা হৈছে। হাৰিয়ানা, হিমাচল প্ৰদেশ আৰু দিল্লী আৰু চণ্ডিগড় কেন্দ্ৰীয় শাসিত অঞ্চলৰ পৰা বৃহৎ সংখ্যক মহিলা প্ৰাৰ্থীয়ে এই নিযুক্তিৰ বাবে অংশগ্ৰহণ কৰিবলৈ আহিছে ।

আম্বালাত সেনা অগ্নিবীৰ নিযুক্তি ৰেলী ৭ নৱেম্বৰৰ পৰা আৰম্ভ হৈছে আৰু ই ৯ নৱেম্বৰত শেষ হ'ব। মহিলাসকলে শাৰীৰিক পৰীক্ষাত উত্তীৰ্ণ হ'ব লাগিব। এই ৰেলীত অধিকাংশ মহিলা গাঁৱৰ পৰা আহি অংশ গ্ৰহণ কৰিছে।

এতিয়ালৈকে ২০ লাখতকৈও অধিক যুৱকে অগ্নিবীৰ হ'বলৈ ভাৰতীয় সেনাত আবেদন কৰিছে। ভাৰতীয় সেনাত অগ্নিবীৰৰ প্ৰথম দলটোৰ বাবে মুঠ ৪০,০০০টা পদ খালী আছে।

কিন্তু মহিলা অগ্নি বীৰৰ সংখ্যা । কাৰণ সেনাবাহিনীত এগৰাকী মহিলা অগ্নিবীৰে বৰ্তমান কেৱল এটা বাহিনীত যোগদান কৰিব পাৰে ।

স্টাফ রিপোর্টাৰ এ.এন.এম নিউজঃ
চৰকাৰী চাকৰিক লৈ ৰাজ্য চৰকাৰে জাৰি কৰিছে এক নতুন নিৰ্দেশনা। সোমবাৰে ৰাজ্য চৰকাৰৰ শিক্ষা সচিবৰ পৰা প্ৰকাশ পোৱা এক জাননী অনুসৰি ৰাজ্যৰ পৰা বিলুপ্তি হ'ব ৮০০০ চাকৰি।

বিলুপ্তি হ'ব লগীয়া পদ সমূহৰ ভিতৰত ৪২৮৫ টা নিম্ন প্ৰাথমিক আৰু ৩৭১৫ টা উচ্চ প্ৰাথমিকৰ শিক্ষকৰ পথ বিলুপ্তি কৰা হ'ব।

উল্লেখ্য যে,২০২০ চনত ৰাজ্য চৰকাৰৰ কেবিনেটে এক সিদ্ধান্ত গ্ৰহণ কৰিছিল। এই অনুসৰি ষ্টেট পোলত একাংশ শিক্ষকক নিযুক্তি দিছিল। এই সকলক দৰমহা দিয়া হৈছিল। ৰাজ্য চৰকাৰৰ ৮ হাজাৰ পদত তেওঁলোকক দৰমহা দি ৰখা হৈছিল।

ৰাজ্য চৰকাৰে ১ লাখ নিযুক্তিৰ কথা কৈ আহিছে। কিন্তু ইয়াৰ মাজতে ৮০০০ পদ বিলুপ্তি কৰাৰ ঘটনাই ৰাজ্যত কি প্ৰতিক্ৰিয়াৰ সৃষ্টি কৰিব সেয়া হ'ব লক্ষণীয়।

জেনারেল