ঢকুৱাখনাত নাট “অন্য কাৰাগাৰ” প্রদর্শন


12/05/2022 13:49:28 PM   Moutushi         3254







স্টাফ ৰিপোৰ্টাৰ এ এন এম নিউজ :
প্ৰথম বিজ্ঞান সমিতিৰ ঢকুৱাখনা শাখাৰ সহযোগত “পথিক”ৰ দ্বাৰা ঢকুৱাখনা নগৰৰ মাজ মজিয়াত বুধবাৰে বাটৰ নাট “অন্য কাৰাগাৰ” মঞ্চস্থ কৰা হয়। বিশিষ্ট নাট্য কৰ্মী, নাট্যকাৰ, অভিনেতা গৌৰৱ বৰুৱাই উদ্বোধন কৰা বাটৰ নাটখনত শিশুসকলৰ স্বাভাৱিক স্বাধীনতা খৰ্ব কৰি অতিজাত্যাভিমানি অভিভাৱকৰ অতিপাত নিয়ন্ত্ৰণ আৰু অতিপাত অনুশাসনহীনতা হেঁচাত কিদৰে বিপন্ন হৈছে নিৰ্বোধ শিশু সকলৰ মনস্তাত্বিক বিকাশ তাৰেই সূক্ষ্ম আৰু বিশ্লেষণাত্মক আভাষ নিখুঁত ভাবে এই বাটৰ নাট খনে দাঙি ধৰা বুলি মন্তব্য কৰে উদ্বোধক বৰুৱাই।

“পথিক”ৰ উদ্যোগক্তা পংকজ বৰুৱাৰ ৰচনা, দিম্পল গগৈৰ সংগীত নিৰ্দেশনা , ৰক্তিম বুঢ়াগোহাঞি, মৃণালী গোঁহাইৰ নিখুঁত পৰিচালনা আৰু ১১গৰাকী নৱ প্ৰজন্মৰ অভিনয় শিল্পীৰ লগতে কণমানি শিশু শিল্পী “মেঘ”ৰ মননশীল অভিনয়েৰে মঞ্চস্থ সাম্প্ৰতিক সময়ৰ অতিকে প্ৰাসংগিক প্ৰেক্ষাপটক উপজীৱ্য কৰি মঞ্চস্থ কৰা বাটৰ নাটখনে নগৰৰ কেইবা শতাধিক দৰ্শকৰ হৃদয় স্পৰ্শ কৰি যায়।




অধিক বাতৰি:
http://www.anmnewsassam.com/Home/GetNewsDetails?p=20182
http://www.anmnewsassam.com/Home/GetNewsDetails?p=20185
For more details visit anmnewsassam.com
Follow us at https://www.facebook.com/newsanm  




TAGS :        Nat "Other Prisons" displayed Dhakwakhana